Aube

 

Bleike-Rose 1887- 1947

 

Sitzisch uf em Bänkli vorem Huus

 

und spilsch uf dim Örgeli

 

 

 

All Aabe e Stund

 

Uf em Bänkli vor em Hus

 

Eifach e Stund Rue

 

 

 

Niemer darf di  störe

 

Kes vo de 13 Chind, ke Chuchi, ke Chrampfe

 

 

 

All Aabe e Stund

 

Allei sii

 

Eifach e Stund Rue

 

 

 

Uftanke

 

Sii

 

 

 

Du bruchsch ke Achtsamkeitskurs,

 

ke Meditation

 

ke Atemüebig - aber

 

 

 

All Aabe e Stund

 

Spiele, sehne, sueche

 

Eifach e Stund Rue.

 

 

 

Was hesch für Wünsch gha?

 

Was für Tröim?

 

Was für Möglichkeite?

 

 

 

Wahrschiindlech äbe nume die

 

 

 

All Aabe e Stund

 

Uf em Bänkli vorem Hus

 

Allei sii,

 

Spiele, sehne, sueche

 

Eifach e Stund Rue

 

 

 

Überläbe